Posts

Աստղիկ Կարապետյանը հանդիպել է ԵԽ պատգամավոր Մարինա Կալյուրանդի հետ

/

«Կետ 33» կազմակերպության նախագահ Աստղիկ Կարապետյանը մարտի 7-ին Բրյուսել այցի ընթացքում հանդիպում է ունեցել Եվրոպական խորհրդարանի էստոնացի պատգամավոր Մարինա Կալյուրանդի հետ։ 

Հանդիպման ընթացքում զրույց է եղել Հայաստանում կանանց և երեխաների իրավունքների պաշտպանության, կանանց քաղաքական ներկայացվածության, ընտանիքամետ քաղաքականությունների ընդունման հարցերի վերաբերյալ։

Անդրադարձ է եղել նախորդ տարվա սեպտեմբերին Արցախից բռնի տեղահանված և Հայաստանի Հանրապետություն տեղափոխված հայերի, մասնավորապես, կանանց ու երեխաների խնդիրներին։ 

Քննարկվել են Եվրոպական միության և Հայաստանի միջև հարաբերությունների, իրավունքների պաշտպանությանն ուղղված ԵՄ գործիքների վերաբերյալ հարցեր։ 

«Կետ 33» ՀԿ նախագահը հանդիպել է ԵԽ պատգամավոր Մարկետա Գրեգորովայի հետ

/

«Կետ 33» կազմակերպության նախագահ Աստղիկ Կարապետյանը մարտի 6-ին Բրյուսել այցի ընթացքում հանդիպում է ունեցել Եվրոպական խորհրդարանի չեխ պատգամավոր Մարկետա Գրեգորովայի հետ։ 

Հանդիպման ընթացքում զրույց է եղել Հայաստանում մարդու իրավունքների պաշտպանության հարցերի մասին, հատուկ անդրադարձ է եղել նախորդ տարվա սեպտեմբերին Արցախից բռնի տեղահանված և Հայաստանի Հանրապետություն տեղափոխված հայերի, մասնավորապես, կանանց ու երեխաների խնդիրներին։ 

Քննարկվել են Եվրոպական միության և Հայաստանի միջև հարաբերությունների, իրավունքների պաշտպանությանն ուղղված ԵՄ գործիքների վերաբերյալ հարցեր։ 

«Կետ 33» կազմակերպության ղեկավարը գլխավոր մրցանակ է ստացել

/

«Կետ 33» հասարակական կազմակերպության ղեկավար և համահիմնադիր Աստղիկ Կարապետյանն այսօր՝ դեկտեմբերի 10-ին ստացել է գլխավոր մրցանակ՝ մանկաբարձական բռնության վերաբերյալ հոդվածի համար։

Մարդու իրավունքների պաշտպանությանը նվիրված «Հոդված 3. Լրագրողները՝ հանուն իրավունքների» ամենամյա մրցանակաբաշխությունը իրականացվում է «Հոդված 3» հասարակական կազմակերպության կողմից՝ Հայաստանում Նիդեռլանդների թագավորության դեսպանատան եւ «Հանուն ժողովրդավարության եվրոպական հիմնադրամի» աջակցությամբ:

Գլխավոր մրցանակը հանձնեց Նիդեռլանդների Թագավորության դեսպան Ն․Գ․ Նիկո Սխերմերսը։ Մրցանակը ստանալիս Աստղիկ Կարապետյանը շնորհակալություն հայտնեց կազմակերպիչներին՝ մարդու իրավունքների, և հատկապես մայրերի իրավունքների պաշտպանությունը կարևորելու համար։